Friday, August 24, 2012

ചോദ്യം വന്ന വഴി



ചോദ്യം വന്ന വഴി -


അടച്ചിട്ട മുറിയിലെ
ഏകാന്തമായ ഭയത്തില്‍ നിന്ന്
ഭയാനകമായ ഏകാന്തതയില്‍ നിന്ന്‍



അടച്ചിട്ട ജന്നല്‍ കടന്ന്‍... വന്ന ആദ്യ രശ്മിയിലൂടെ
ഭിത്തിയില്‍ തൂക്കി ഫ്രെയിം ചെയ്ത ശൂന്യമായ ക്യാന്‍വാസിലൂടെ
തറയിലെ മൊസൈക് ചിപ്സുകള്‍ വരച്ച അരൂപങ്ങളിലൂടെ
ഒഴിഞ്ഞ കോണില്‍ ചിലന്തി നെയ്ത ചതിയിലൂടെ
നിറഞ്ഞ ബുക്ക്‌ ഷെല്‍ഫില്‍ നിന്ന് ജനിച്ചു വീണ ചിതലുകളിലൂടെ
ചായമടര്‍ന്നു വീണ ഭിത്തിയുടെ ഉള്ളറകളിലൂടെ
ഭിത്തിയില്‍ ചിത്രം തൂക്കാന്‍ തുളച്ച ദ്വാരത്തിന്റെ അന്തമില്ലാത്ത ചുഴിയിലൂടെ
മുറിഞ്ഞു വീണ പല്ലി വാലിന്റെ പിടച്ചിലിലൂടെ


ആരോ മേശപ്പുറത്തെറിഞ്ഞ ചോദ്യ കടലാസുകളില്‍ നിന്ന് ..
മേശ വലിപ്പിലെ ചുവന്ന മഷിയില്‍  നിന്ന്  ...

ഉത്തരക്കടലാസുകള്‍ കത്തിയെരിഞ്ഞ ചാരത്തില്‍ നിന്ന്.
ഉത്തരക്കടലാസുകള്‍ കത്തിയെരിഞ്ഞ..


No comments:

Post a Comment